"BakıKart" qiymət artımını əsaslandırdı

"BakıKart" plastik kartlarının satış qiymətinin 2 manatdan 3 manata qaldırılmasının səbəbi məlum olub Modern.az-ın qurumdan əldə etdiyi məlumata görə, bu kartlar 2015-ci ildən sərnişinlərin istifadəsinə verilib və ötən müddət ərzində satış qiymətində heç bir dəyişiklik edilməyib. Lakin keçən illər ərzində kart istehsalı, texniki xidmət, logistika və infrastruktur xərclərində baş verən artımlar nəzərə alınaraq qiymətə yenidən baxılması zərurəti yaranıb Qeyd edək ki, kartın balansı və gediş haqlarında hər hansı dəyişiklik nəzərdə tutulmur. Bu tarif artımı yalnız yeni əldə edilən "BakıKart"ların satış qiymətinə şamil olunur