Azərbaycanla sülh prosesi Türkiyə ilə müqayisədə daha sürətlidir - Rubinyan

“Mən etiraf etməliyəm ki, Ermənistan ilə Azərbaycan arasında münasibətlərin normallaşması prosesi Ermənistan ilə Türkiyə arasında normallaşma prosesini qabaqlayır və bu yaxşıdır, lakin düşünürəm ki, daha böyük irəliləyiş əldə etmək üçün tarixi imkanımız var. İrəvan və Ankara arasında münasibətlərin normallaşması prosesində biz bu imkandan istifadə etməliyik” Modern.az xəbər verir ki, bunu mayın 5-də “İrəvan dialoqu – 2026” beynəlxalq konfransında Ermənistan parlamentinin vitse-spikeri, Türkiyə ilə münasibətlərin normallaşdırılması üzrə xüsusi nümayəndə Ruben Rubinyan bildirib Onun sözlərinə görə, yaxşı xəbər ondan ibarətdir ki, Ermənistan ilə Azərbaycan arasında münasibətlər yaxşılaşır, baxmayaraq ki, ötən ilin avqustuna qədər ölkələr arasında münaqişə mövcud idi O əlavə edib ki, o vaxtdan bəri bir çox gözlənilməz hadisələr baş verib: artıq iki ildən çoxdur ki, Ermənistan–Azərbaycan sərhədində heç bir əsgər və ya hərbçi həlak olmayıb. “Bundan əlavə, ötən payızdan etibarən Azərbaycan dəmir yolu tranzitinə qoyulan bütün məhdudiyyətləri aradan qaldırıb ki, bu da Cənubi Qafqaz regionu üçün böyük irəliləyişdir, çünki təxminən üç onillik idi ki, qatarlar Azərbaycan üzərindən Ermənistana getmirdi. Biz həmçinin Azərbaycanla birbaşa ticarətə başlamışıq. Ermənistan artıq Azərbaycandan neft məhsulları idxal edir. Bu da əvvəllər təsəvvürəgəlməz idi və qarşılıqlı biznes təşəbbüslərinin həyata keçirilməsi ilə bağlı müzakirələr aparılır”, - deyə Rubinyan qeyd edib Xüsusi nümayəndə vurğulayıb ki, bununla paralel olaraq Ermənistan ilə Türkiyə arasında münasibətlərin normallaşması prosesi də müşahidə olunur və bu proses hələ 2022-ci ilin əvvəlində başlayıb. “Biz hesab edirik ki, Ermənistan ilə Türkiyə arasında normallaşma prosesində böyük müsbət addımlar atmağın vaxtı çatıb, lakin bu o demək deyil ki, heç nə baş vermir. İstanbul ilə İrəvan arasında aviareyslər bərpa olunub, türk aviaşirkətləri İrəvana uçuşlara başlayıb. Ölkələrimiz arasında reyslərin sayının artırılması müzakirə olunur. Biz ölkələrimiz arasında birbaşa hava yük daşımalarını qurmuşuq. Dünən Ani tarixi körpüsünün birgə yenidən qurulması və ya bərpası ilə bağlı protokol imzaladıq”, - deyə Ruben Rubinyan qeyd edib