Azərbaycan Premyer Liqasında XXI əsrin ən məhsuldar seriyası qeydə alınıb

Azərbaycan Premyer Liqasında məhsuldar turlar seriyası davam edir AZƏRTAC Peşəkar Futbol Liqasının rəsmi saytına istinadən xəbər verir ki, XXVI turda qapılara 23 qol vurulub. Orta məhsuldarlıq 3,83-ə bərabərdir Bu göstərici ardıcıl 4-cü dəfə 3 və ya daha yüksək olub. XXIII turda 21 (3,50), XXIV turda 19 (3,17), XXV turda 18 (3,00) qol vurulub III dövrənin startından yaşanan bu məhsuldarlıq seriyası Azərbaycan çempionatlarının yüksək dəstəsində XXI əsrin rekordudur Daha uzun seriya 2000/2001-ci illər mövsümünün ilk yarısına təsadüf edib. Həmin vaxt II-VIII turlarda ardıcıl 7 dəfə orta məhsuldarlıq 3 və ya daha yüksək olub. Sonrakı illərdə isə belə seriyalar 3 turdan uzun sürməyib 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır