“AzInTelecom” GITEX AI 2026 sərgisində qlobal müzakirələrdə (FOTO)

AZCON Holdinqin şirkətlərindən olan “AzInTelecom” MMC texnologiya və süni intellektə həsr olunmuş regionun ən böyük tədbirlərindən biri olan GITEX AI 2026-da iştirak edib Qazaxıstanın Almatı şəhərində keçirilən tədbirdə süni intellekt, rəqəmsal transformasiya və innovativ texnologiyalar üzrə qlobal ekspertlər bir araya gəlib. Tədbirdə “AzInTelecom” korporativ stendlə təmsil olunub, şirkətin qabaqcıl həllərini və rəqəmsal xidmətlərini beynəlxalq auditoriyaya təqdim edib Şirkətin iştirakı beynəlxalq texnoloji ekosistemdəki mövqeyini gücləndirmək, strateji tərəfdaşlıqları genişləndirmək və rəqəmsal həllərini qlobal miqyasda tanıtmaq məqsədi daşıyırdı Tədbir zamanı “AzInTelecom” şirkətinin baş direktorunun müşaviri Fərid İsmayılzadə panel müzakirələrində iştirak edib. Çıxışı zamanı o, həm dövlət, həm də özəl sektorlar üçün rəqəmsal etimadın vacibliyini vurğuladı. O, həmçinin şəxsiyyət saxtakarlığının qarşısının alınmasında və blokçeyn əsaslı maliyyə əməliyyatlarının etibarlılığının təmin edilməsində biometrik texnologiyaların əhəmiyyətindən danışıb. Şirkətin Kommersiya Departamentinin direktoru Fərrux Fərəcullayev Lenovo ilə əməkdaşlıq çərçivəsində Azərbaycanda NVIDIA çipləri ilə təchiz edilmiş ilk Superkompüter Mərkəzinin yaradılmasının strateji əhəmiyyətini vurğuladı Tədbir çərçivəsində stenddə “AzInTelecom” və “Gcore” şirkətlərinin birgə təşkilatçılığı ilə interaktiv sessiya da keçirilib. Seminar viktorina ilə davam etdi və qalib iştirakçıya şirkətin ictimai bulud platforması olan “AZINCLOUD” xidmətlərindən istifadə etmək üçün 1000 AZN dəyərində kupon təqdim olundu. Digər iki iştirakçıya da xatirə hədiyyələri təqdim olunub