“Azercell”: Süni intellekt kibertəhlükəsizlikdə zərurətə çevrilib

Kibertəhlükəsizlik sahəsində məlumatların həcminin sürətlə artması süni intellekt texnologiyalarının tətbiqini zəruri edir AZƏRTAC xəbər verir ki, bu barədə “Azercell Telekom” MMC-nin Kibertəhlükəsizlik şöbəsinin rəhbəri Mais Şərifli IV Milli Kibertəhlükəsizlik Forumunda çıxışı zamanı bildirib Onun sözlərinə görə, şirkətdə hər saniyə təxminən 1,7 milyon məlumat vahidi təhlil olunur “Bu həcmdə məlumatın yalnız insan resursları ilə emalı mümkün deyil. Buna görə də süni intellekt kibertəhdidlərin daha operativ aşkarlanması və təhlükəsizlik sistemlərinin gücləndirilməsi üçün tətbiq edilir. Süni intellektdən kibercinayətkarlar da istifadə etməyə çalışdıqlarından təşkilatlar yeni risklərə qarşı daim hazırlıqlı olmalıdırlar. Kibertəhlükəsizlikdə texnologiya ilə yanaşı, insan amili və məsuliyyətli yanaşma da mühüm rol oynayır”, - deyə o vurğulayıb 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır