Azərbaycan dünya çempionatında 1/4 finala yüksəlib

Qadınlardan ibarət 3x3 basketbol üzrə Azərbaycan yığması Varşavada keçirilən dünya çempionatında uğurlu çıxışını davam etdirir Day.Az İdman.Biz-ə istinadən xəbər verir ki, pley-off mərhələsində Azərbaycan yığması Litva yığmasını məğlub edərək turnirin 1/4 finalına yüksəlib Görüş gərgin keçib və yalnız əlavə vaxtda başa çatıb. Azərbaycan komandası 14:12 hesabı ilə qələbəni bayram edib Komandamızın növbəti rəqibi Almaniya millisi olacaq. Yarımfinala vəsiqə uğrunda görüş iyunun 6-da keçiriləcək və Bakı vaxtı ilə saat 21:00-da başlayacaq Xatırladaq ki, Azərbaycan yığması qrup mərhələsində Madaqaskar, Çexiya və Polşa komandalarına qalib gələrək A qrupunda ikinci yeri tutub və yeganə məğlubiyyəti Hollandiyaya alıb Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin