Azərbaycan yaponlara vizasız gediş-gəliş tətbiq edəcək

Azərbaycanın xarici işlər naziri Ceyhun Bayramov Tokioya səfəri çərçivəsində yaponiyalı həmkarı Toşimitsu Moteqi ilə görüşüb. Bu barədə məlumatı Azərbaycan Xarici İşlər Nazirliyi yayıb “Bu səfər hər iki ölkənin ikitərəfli münasibətləri daha da dərinləşdirmək və qarşılıqlı maraq doğuran sahələrdə əməkdaşlığı genişləndirmək istəyini nümayiş etdirir”, - deyə məlumatda bildirilir “Azərbaycan bütün Yaponiya vətəndaşları üçün vizasız rejim tətbiq etmək niyyətindədir”. Bunu Azərbaycanın xarici işlər naziri Ceyhun Bayramov yaponiyalı həmkarı Toşimitsu Moteqi ilə görüşündə deyib Bayramov qeyd edib ki, bu təşəbbüs səyahətlərin sadələşdirilməsi, işgüzar əlaqələrin genişləndirilməsi, turizmin inkişafı və iki ölkə xalqları arasında əlaqələrin möhkəmləndirilməsi baxımından mühüm addımdır