Azərbaycan Kosovonu məğlub edib və finalda İrlandiya ilə oynayacaq - yenilənib 19:18

Orta yaş həddi 22 olan yenilənmiş Azərbaycan kişilərdən ibarət yığması yarımfinalda Kiprə uduzub - 10:21 Bakı vaxtı ilə saat 20:05-də Azərbaycan millisi qadınlar arasında turnirin finalında İrlandiya ilə qarşılaşacaq. Qalib Avropa çempionatının final mərhələsinə vəsiqə qazanacaq Azərbaycanın qadınlardan ibarət 3x3 basketbol komandası 2026-cı il Avropa çempionatının seçmə turnirinin finalına yüksəlib Bu gün yarımfinalda Aleksandra Mollenhauer, Arika Karter və Tatyana Deniskinadan ibarət komandamız Kosovonu asanlıqla məğlub edib - 21:5. Avropa çempionatının final mərhələsinə yeganə vəsiqənin oynanılacağı finalda İrlandiya - Kipr matçının qalibi ilə oynayacağıq Bundan əvvəl Azərbaycan basketbolçuları qrup mərhələsində Kipr (16:10) və Maltanı (15:14) məğlub etmişdilər Xatırladaq ki, Azərbaycanın qadınlardan ibarət yığması ötənilki Avro-nun gümüş mükafatçısı olmuş, bu yaxınlarda debüt dünya çempionatında 4-cü yeri tutmuşdur Gənc basketbolçulardan təşkil olunmuş Azərbaycanın kişilərdən ibarət yığması da bu gün yarımfinalda çıxış edəcək. Rəqib - Kipr Qrup mərhələsində Rəşid Abbasov, Əlibəy Məmmədli, Nicat Nəsirov və Nəzər Quliyevdən ibarət komanda Albaniyaya uduzub (20:21), daha sonra Maltanı (18:16) və San Marinoya (21:20) qalib gəlib Avropa çempionatı sentyabrın 11-dən 13-dək Antverpendə (Belçika) keçiriləcək