Azərbaycan Mərakeşdə Beynəlxalq Qastronomiya Festivalında təmsil olunur

Azərbaycan Rabatda (Mərakeş) keçirilən Beynəlxalq Qastronomiya Festivalının (FIGS) 2-ci hissəsində iştirak edib Səfirlikdən "Report"a verilən məlumata görə, festival Mərakeş Diplomatik Cəmiyyəti tərəfindən Həmrəylik, Sosial İnteqrasiya və Ailə Nazirliyinin dəstəyi ilə keçirilib Mərakeş Krallığının Milli Kitabxanasında keçirilən tədbirdə 30-dan çox ölkə və beynəlxalq təşkilat iştirak edib. Festivalda dünya xalqlarının mədəni irsi və kulinariya ənənələri təqdim olunub Azərbaycanı milli stendlə təmsil edib. Ziyarətçilər Azərbaycan mədəniyyəti ilə daha yaxından tanış olmaq, milli mətbəxin zənginliyi ilə tanış olmaq və ölkənin kulinariya irsinin təamlarından dadmaq imkanı əldə ediblər. Qonaqlara Azərbaycan mətbəxinin ənənəvi yeməkləri - dolma, dovğa, plov və paxlava təqdim olunub Mərakeşin həmrəylik, sosial inteqrasiya və ailə naziri Naima Ben Yəhya Azərbaycan stendini ziyarət edərək, təqdim olunan milli məhsullar və yeməklərlə tanış olub “Festival mədəniyyətlərarası dialoqun inkişafına, xalqlar arasında qarşılıqlı anlaşmanın gücləndirilməsinə və beynəlxalq həmrəyliyin təşviqinə töhfə verən səmimi və mehriban şəraitdə keçib”, - deyə səfirlik qeyd edib Tədbir xeyriyyə məqsədi ilə təşkil olunub və toplanan vəsait ehtiyacı olanlara dəstək olmaq və xeyriyyə təşəbbüslərini həyata keçirmək üçün istifadə olunacaq