Azərbaycan Varşavada Polşanı asanlıqla məğlub edərək dünya çempionatının 1/8 finalına yüksəlib - yenilənib 21:23

Qrup mərhələsinin final oyununda dünya çempionatının ev sahibi Polşa ilə qarşılaşan Azərbaycan yığması 20:13 hesabı ilə inamlı qələbə qazanıb Dörd oyunda üç qələbə qazanan komandamız qrupda 2-ci yeri tutub və Fransa, Yaponiya, Kanada, Litva və Ukraynanın yer aldığı D qrupunun üçüncü komandası ilə pley-off mərhələsində (1/8 final) oynayacaq. Bu qrupda mübarizə sabah başa çatacaq 3x3 basketbol üzrə qadınlardan ibarət Azərbaycan yığması Varşavada davam edən dünya çempionatında üçüncü oyununu keçirib Dina Ulyanova, Aleksandra Mollenhauer, Brianna Freyzer və Arika Karterdən ibarət komandamız Çexiyaya 14:11 hesabı ilə qalib gəlib Bakı vaxtı ilə saat 20:55-də qrup mərhələsində Polşa ilə final görüşünü keçirəcəyik Üç oyundan sonra Azərbaycanın iki qələbəsi var. Qrupda 2-ci yeri tutduq. Xatırladaq ki, basketbolçularımız iyunun 1-də Madaqaskarı məğlub edərək, hazırkı dünya çempionu Hollandiyaya uduzmuşdular Dünya çempionatında ümumilikdə 20 komanda dörd qrupa bölünür. Qrup qalibləri birbaşa 1/4 finala yüksələcək. İkinci və üçüncü yerləri tutan komandalar 1/4 finalda iştirak hüququ üçün pley-in adlanan oyunda oynayacaqlar. Dünya çempionatına iyunun 7-də yekun vurulacaq Azərbaycan milli komandası ilk dəfə dünya çempionatında çıxış edir. ABŞ komandası üç dəfə qadınlar arasında dünya çempionu olub. Çexiya, Rusiya, İtaliya, Çin, Fransa və Hollandiya hərəyə bir dəfə qalib gəlib