Azərbaycanın Şuşa şəhərində 34,5 km su, 27,5 km kanalizasiya şəbəkəsi fəaliyyət göstərir

BAKI, Azərbaycan, 3 iyun. İşğaldan azad edilmiş ərazilərdə içməli su və kanalizasiya infrastrukturunun bərpası və yenidən qurulması istiqamətində genişmiqyaslı işlər həyata keçirilib Mənbə əlavə edib ki, hazırda Xankəndi şəhərində ən böyük su təchizatı sistemlərindən biri fəaliyyət göstərir Agentliyin məlumatına görə, Xankəndi su ilə Xəlfəli çayı, magistral su kəmərləri, 15 subartezian quyusu vasitəsilə təmin edilir. Şəhərdə 104 kilometr supaylayıcı şəbəkə, sutkalıq ümumi gücü 16 min kubmetr olan iki sutəmizləyici qurğu, ümumi tutumu 15 min kubmetr olan su anbarları, 67 kilometr uzunluğunda kanalizasiya şəbəkəsi var. Sistem hazırda 3264 abonentə xidmət göstərir Şuşada su Kiçik Kirs və Zarışlı su mənbələrindən qidalanan sistemlə verilir. Şəhərdə 34,5 kilometr su şəbəkəsi, 27,5 kilometr kanalizasiya xətti, sutkalıq məhsuldarlığı 5 min kubmetr olan sutəmizləyici qurğu mövcuddur. Ümumilikdə Şuşa şəhərində 535 abonent və 30 istehlakçı su xidməti göstərir Xocalı, Əsgəran, Xocavənd, Hadrut, Ağdərə qəsəbələrində də mövcud su mənbələri bərpa edilmiş, yeni boru xətləri çəkilmiş, əlavə subartezian quyuları qazılmış, çirkab sularının müasir təmizləyici qurğuları quraşdırılmışdır Səlahiyyətlilər bildirirlər ki, hazırda rayonun şəhər və qəsəbələrində dövlət qurumlarına, təşkilatlarına və daimi əhaliyə davamlı su təchizatı xidmətləri göstərilir