Azərbaycanın baş naziri iclas keçirib və yeni qərar qəbul edib (FOTO)

BAKI, Azərbaycan, 11 iyun. Baş Nazir Əli Əsədovun rəhbərliyi ilə Azərbaycan İqtisadi Şurasının iclası keçirilib və iyunun 11-də yeni qərar qəbul edilib Bu barədə Nazirlər Kabinetinin yaydığı hesabatda deyilir Hesabatda qeyd olunub ki, iclasın gündəliyinə Ələt Azad İqtisadi Zonasının fəaliyyətinin təşkili istiqamətində görülən işlər, həlli vacib infrastruktur məsələləri, strateji baxış və inkişaf perspektivləri, o cümlədən iqtisadi artım və inkişaf potensialında xidmət sektorunun rolu, xidmət sektorunda müəyyən edilmiş prioritet istiqamətlər və təkliflər və digər cari məsələlər ətrafında geniş müzakirələr aparılıb "Report" xəbər verir ki, iclasda gündəliyə daxil olan məsələlərlə bağlı Prezidentin köməkçisi - Azərbaycan Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümovun və iqtisadiyyat naziri Mikayıl Cabbarovun təqdimatları dinlənilib Məlumatda vurğulanıb ki, İqtisadi Şuranın üzvləri və Ələt Azad İqtisadi Zonasının Direktorlar Şurasının sədri Valeh Ələsgərov təqdim olunan məsələlərlə bağlı çıxış edib İclasın sonunda İqtisadi Şura üzvlərinin rəy və təklifləri nəzərə alınaraq müvafiq qərarlar qəbul edilib və aidiyyəti qurumlara tapşırıqlar verilib