Azərbaycanın namizədi BMT-nin İnsan Hüquqları Komitəsinə üzv seçilib

BAKI, Azərbaycan, 15 iyun. İyunun 15-də Nyu-Yorkda Mülki və Siyasi Hüquqlar Haqqında Beynəlxalq Paktın iştirakçısı olan Dövlətlərin 42-ci Toplantısı zamanı Azərbaycan Respublikası tərəfindən irəli sürülən namizəd BMT-nin İnsan Hüquqları Komitəsinin 2027–2030-cu illər müddətinə üzvü seçilib Gərgin beynəlxalq rəqabət şəraitində keçən seçkilərdə Azərbaycan da daxil olmaqla 16 ölkədən namizəd Komitədəki 9 vakant yer uğrunda mübarizə aparıb Azərbaycan Respublikası tərəfindən namizədliyi irəli sürülmüş Cenevrə Beynəlxalq Münasibətlər İnstitutunun beynəlxalq hüquq professoru Fuad Zərbiyev səsvermənin birinci turunda 131 ölkənin dəstəyini qazanaraq ən yüksək səs toplayıb və Komitəyə üzv seçilib Birləşmiş Millətlər Təşkilatının İnsan Hüquqları Komitəsi 1966-cı il Mülki və Siyasi Hüquqlar haqqında Beynəlxalq Paktın icrasına nəzarət edən orqandır. 18 müstəqil ekspertdən ibarət Komitə iştirakçı dövlətlərin Pakt üzrə öhdəliklərini necə yerinə yetirdiyini nəzərdən keçirir və beynəlxalq insan hüquqları hüququnun inkişafında mühüm rol oynayır