Azərbaycan Xüsusi Təyinatlı Qüvvələri qanvermə aksiyası keçirir (FOTO)

BAKI, Azərbaycan, 27 aprel. Azərbaycan Əlahiddə Ümumqoşun Ordusunun yaradılmasının 27-ci ildönümü ərəfəsində hərbi hissələrdən birində könüllü qanvermə aksiyası təşkil olunub Aksiya zamanı Azərbaycan Respublikası Səhiyyə Nazirliyi yanında Respublika Qan Bankının Səyyar Qan Alma Filialının tibb işçiləri tərəfindən donorların sağlamlıq vəziyyəti yoxlanıldıqdan sonra qan götürülüb. Toplanmış qan nümunələri müayinə olunaraq sertifikatlaşdırılacaq və sonra irsi qan xəstəliklərindən əziyyət çəkən şəxslərin müalicəsində istifadə olunmaq üçün aidiyyəti orqanlara təhvil veriləcək Qanvermə aksiyasının əsas məqsədi talassemiya, hemofiliya, leykoz və digər qan xəstəliklərindən əziyyət çəkən insanlar üçün qan ehtiyatının formalaşdırılması, cəmiyyətdə və orduda könüllü və təmənnasız qan donorluğu ənənələrinin qorunub saxlanması, o cümlədən qan və onun komponentləri ilə davamlı təminatın təmin edilməsidir