Azərbaycanın xarici işlər naziri Qırğızıstanı BMT Təhlükəsizlik Şurasına üzv olması münasibətilə təbrik edib

BAKI, Azərbaycan, 4 iyun. Azərbaycanın xarici işlər naziri Ceyhun Bayramov qırğızıstanlı həmkarı Jeenbek Kulubayev ilə telefon danışığı keçirib və Qırğızıstanın böyük səs çoxluğu ilə BMT Təhlükəsizlik Şurasının qeyri-daimi üzvü seçilməsi münasibətilə səmimi təbriklərini bildirib Tərəflər regional və çoxtərəfli platformalarda, o cümlədən BMT Təhlükəsizlik Şurası çərçivəsində iki ölkə arasında qarşılıqlı dəstəyin vacibliyini vurğuladılar İki ölkə arasında strateji tərəfdaşlığın hazırkı səviyyəsindən məmnunluq ifadə olunub, siyasi, iqtisadi, humanitar və digər sahələrdə əməkdaşlığın daha da inkişaf etdirilməsi imkanları müzakirə edilib Söhbət zamanı qarşılıqlı maraq doğuran digər ikitərəfli və regional məsələlər ətrafında da fikir mübadiləsi aparılıb