Bakıda batut gimnastikası və tamblinq üzrə Azərbaycan çempionatı keçirilib (FOTO)

BAKI, Azərbaycan, 10 iyun. İyunun 10-da Milli Gimnastika Arenasında batut gimnastikası üzrə 10-cu Azərbaycan çempionatı və tamblinq üzrə 22-ci ölkə çempionatı keçirilib Yarışda Bakı Gimnastika Məktəbini və Ocaq Sport Klubunu təmsil edən 50-yə yaxın idmançı iştirak edib Çempionat zamanı gimnastlar müxtəlif yaş kateqoriyalarında, o cümlədən yeniyetmələr, gənclər və böyüklər arasında mübarizə aparıblar İştirakçılar fərdi və sinxron batut yarışlarında, eləcə də fərdi tamblinq yarışlarında çıxış edərək hazırlıq səviyyələrini nümayiş etdirdilər Yarış boyu idmançılar texniki elementləri dəqiq yerinə yetirmələri, yüksək koordinasiya səviyyəsi, çeviklik və bacarıqları ilə fərqləndilər İştirakçılar arasında Dünya Çempionatının sinxron batut idman növü üzrə bürünc mükafatçısı, Paris 2024 Yay Olimpiya Oyunlarının iştirakçısı Selcan Mahsudova və Dünya Çempionatının sinxron idman növü üzrə bürünc mükafatçısı, III MDB Oyunlarının qızıl medalçısı Maqsud Mahsudov da var idi. Həmçinin tamblinq üzrə ikiqat dünya çempionu, Dünya Oyunlarının gümüş mükafatçısı, Avropa çempionu və ikiqat Avropa Çempionatının gümüş mükafatçısı Tofiq Əliyev; üçqat dünya çempionu, Avropa çempionu və Avropa çempionatının gümüş mükafatçısı Mixail Malkin; eləcə də ikiqat dünya çempionu, Avropa çempionu və Avropa çempionatının gümüş mükafatçısı Adil Hacızadə Qadınların fərdi yarışında Selcan Mahsudova qızıl medal qazanıb, kişilərin fərdi yarışında isə Maqsud Mahsudov qələbə qazanıb. Tamblinqdə Tofiq Əliyev qızıl, Mixail Malkin gümüş, Adil Hacızadə isə bürünc medal qazanıb Çempionatların əsas məqsədi gənc və perspektivli idmançıların üzə çıxarılması, onların rəqabət təcrübəsinin artırılması, milli komandanın ehtiyat fondunun formalaşdırılması, batut gimnastikası və tamblinq kimi idman növlərinin inkişafına dəstək olmaqdır Yekun nəticələrə əsasən, Bakı Gimnastika Məktəbinin idmançıları müxtəlif yaş kateqoriyalarında və yarışlarda güclü çıxışlar edərək medal sahibləri arasında yerləri təmin ediblər Müsabiqənin yekun nəticələri ilə aşağıdakı link vasitəsilə tanış olmaq olar: