Azərbaycan diplomatik pasport sahiblərini Ekvadorla viza tələblərindən azad edəcək

BAKI, Azərbaycan, 12 iyun. Diplomatik, rəsmi və xidməti pasportlara malik şəxslər Azərbaycan və Ekvador arasında viza tələblərindən azad olunacaqlar Bu, Milli Məclisin Beynəlxalq münasibətlər və parlamentlərarası komitəsinin bu gün keçirilən iclasında müzakirə edilən “Azərbaycan Respublikası Hökuməti və Ekvador Respublikası Hökuməti arasında diplomatik, rəsmi və xidməti pasportlara malik şəxslərin viza tələblərindən azad edilməsi haqqında” Sazişin təsdiq edilməsi barədə Azərbaycan Respublikası qanununun layihəsində əksini tapıb Bu arada Kitoda Azərbaycan Xarici İşlər Nazirliyi ilə Ekvador Xarici İşlər və İnsan Mobilliyi Nazirliyi arasında ilk siyasi məsləhətləşmələr keçirilib. Məsləhətləşmələrə Azərbaycan tərəfdən xarici işlər nazirinin müavini Elnur Məmmədov və Ekvadorun insan mobilliyi üzrə müavini Alejandro Davalos rəhbərlik edib Müzakirələr zamanı iki ölkə arasında siyasi, iqtisadi, humanitar, enerji, mədəniyyət və turizm sahələrində əməkdaşlığın hazırkı vəziyyəti və perspektivləri müzakirə olunub. Hər iki tərəf, həmçinin kənd təsərrüfatı, biznes və investisiyaların artırılması üçün müvafiq qurumlar arasında daha sıx əməkdaşlığa dəstəyini ifadə edib