Azərbaycan və Tailand arasında ilk konsulluq məsləhətləşmələri keçirilib (FOTO)

BAKI, Azərbaycan, 11 iyun. İyunun 11-də Bakıda Azərbaycan Respublikasının Xarici İşlər Nazirliyi ilə Tailand Krallığının Xarici İşlər Nazirliyi arasında ilk konsulluq məsləhətləşmələri keçirilib Məsləhətləşmələrdə Azərbaycan nümayəndə heyətinə konsulluq idarəsinin rəisi Emil Səfərov, Tailand nümayəndə heyətinə isə konsulluq məsələləri departamentinin baş direktoru Munqkorn Pratumkayev rəhbərlik ediblər Konsulluq məsləhətləşmələri zamanı Azərbaycan və Tailand arasında konsulluq əməkdaşlığının hazırkı vəziyyəti və inkişaf perspektivləri, ikitərəfli müqavilə-hüquq bazasının genişləndirilməsi, yeni əməkdaşlıq mexanizmlərinin hazırlanması, müvafiq sahələrdə qarşılıqlı fəaliyyət üçün institusional əsasların möhkəmləndirilməsi məsələləri müzakirə olunub Tərəflər böhran vəziyyətlərində vətəndaşların təxliyəsi və onlara operativ konsulluq yardımının göstərilməsi sahəsində mövcud təcrübəni və qabaqcıl təcrübələri nəzərdən keçiriblər Bundan əlavə, konsulluq sahəsində ən son yeniliklər, o cümlədən hər iki ölkənin təcrübəsi və konsulluq xidmətlərinin rəqəmsallaşdırılması sahəsində tətbiq olunan mexanizmlər ətrafında fikir mübadiləsi aparılıb