Azərbaycan Bakı-Tbilisi-Bakı qatarlarının hərəkət cədvəlini açıqlayıb

BAKI, Azərbaycan, 19 may. Bakı-Tbilisi-Bakı qatarının rəsmi hərəkət cədvəli açıqlanıb. Trend-in məlumatına görə, bu barədə "Azərbaycan Dəmir Yolları" QSC-dən məlumat verilib “Azərbaycan Dəmir Yolları” QSC ilə “Gürcüstan Dəmir Yolları” SC arasında əldə olunmuş ilkin razılaşmaya əsasən, Bakı-Tbilisi-Bakı marşrutu üzrə qatarlar hər gün Bakıdan saat 23:10-da yola düşəcək və ertəsi gün saat 08:41-də Tbilisiyə çatacaq, həmçinin Tbilisidən saat 21:00-da yola düşəcək və ertəsi gün saat 06:24-də Bakıya çatacaq Bakı-Tbilisi-Bakı marşrutu ilə hərəkət edən qatarlar Azərbaycanın Bakı Dəmiryol Vağzalında, Biləcəri, Yevlax, Gəncə, Ağstafa və Böyük Kəsik stansiyalarında, həmçinin Gürcüstanın Qardabani və Tbilisi Dəmiryol Vağzalında dayanacaq Əlavə məlumat ictimaiyyətə veriləcək