Azərbaycan Efiopiya ilə müdafiə sahəsində əməkdaşlıq haqqında sazişi ratifikasiya edib

BAKI, Azərbaycan, 6 may. Trend in xəbər verdiyi kimi, "Azərbaycan Respublikası Hökuməti və Efiopiya Federativ Demokratik Respublikası Hökuməti arasında müdafiə sektorunda əməkdaşlıq haqqında Saziş" təsdiq edilib Azərbaycan Respublikasının Prezidenti İlham Əliyev müvafiq qanunu imzalayıb “Azərbaycan Respublikası Hökuməti və Efiopiya Federativ Demokratik Respublikası Hökuməti arasında müdafiə sektorunda əməkdaşlıq haqqında Saziş” 2026-cı il fevralın 27-də Bakı şəhərində imzalanıb Sazişin əsas məqsədi müdafiə sahəsində əməkdaşlığın beynəlxalq sülh və sabitliyə töhfə verdiyini nəzərə alaraq, tərəflər arasında müdafiə sahəsində əməkdaşlıq üçün hüquqi baza yaratmaq, o cümlədən müvafiq sahələrdə (hərbi təhsil, kadr hazırlığı, təlimlər, mülki-hərbi əməkdaşlıq, sülhməramlı və humanitar əməliyyatlar, maddi-texniki təminat, hərbi-texniki əməkdaşlıq və digər sahələr) ikitərəfli əlaqələrin genişləndirilməsi və möhkəmləndirilməsidir Saziş aşağıdakı əməkdaşlıq formalarını nəzərdə tutur: rəsmi səfərlər və işçi görüşlər, hərbi təhsil, kadr hazırlığı, ikitərəfli danışıqlar, məsləhətləşmələr, hərbi təlimlərdə iştirak, müdafiə sərgilərində iştirak, hərbi və mülki nümayəndə heyətlərinin səfərləri və s Sazişin icrasına cavabdeh olan səlahiyyətli orqanlar hər iki ölkənin müdafiə nazirlikləridir