Azərbaycan logistika əlaqələrinin gücləndirilməsinə töhfə verir - Baş nazir (FOTO)

BAKI, Azərbaycan, 22 may. Azərbaycan logistika əlaqələrinin gücləndirilməsinə töhfə verir, Trend -in məlumatına görə, bunu Baş Nazir Əli Əsədov Müstəqil Dövlətlər Birliyinin (MDB) Hökumət Başçıları Şurasının Türkmənistanın paytaxtı Aşqabadda keçirilən növbəti iclasında deyib Baş nazir qapalı iclasdakı çıxışında humanitar sahədə əməkdaşlığın vacibliyini vurğulayaraq qeyd edib ki, bu sahə MDB-yə üzv dövlətlər arasında qarşılıqlı fəaliyyətin əsas istiqamətlərindən biri olaraq qalır. Humanitar layihələrin və təşəbbüslərin xalqlar arasında qarşılıqlı anlaşmanın, ənənəvi dostluq münasibətlərinin və etimadın möhkəmləndirilməsi üçün mühüm potensiala malik olduğu vurğulanıb Bu kontekstdə Əsədov Minskin 2027-ci ildə MDB-nin, 2028-ci ildə isə Karaqandanın Gənclər Paytaxtı elan edilməsi qərarını alqışlayıb Azərbaycan hökumətinin başçısı həmçinin qeyd edib ki, hazırda Bakıda dayanıqlı inkişaf, urbanizasiya və həyat keyfiyyətinin yaxşılaşdırılmasına həsr olunmuş ən böyük beynəlxalq platformalardan biri olan Ümumdünya Şəhər Forumunun 13-cü sessiyası öz işini yekunlaşdırır. BMT-nin himayəsi altında keçirilən forumun 182 ölkədən 40 mindən çox nümayəndəsini bir araya gətirdiyi vurğulanıb Baş nazirin sözlərinə görə, forum qlobal mənzil böhranı, davamlı şəhər inkişafı, iqlimə davamlılıq və böhrandan sonrakı bərpa da daxil olmaqla aktual qlobal çağırışlara toxunub O.Əsədov Azərbaycan ilə MDB ölkələri arasında iqtisadi-ticarət əməkdaşlığının inkişaf etdiyini vurğulayıb, bu sahədə əlaqələrin möhkəmlənməkdə davam etdiyini və müsbət dinamika nümayiş etdirdiyini bildirib. O, o cümlədən, 2025-ci ildə Azərbaycan ilə MDB üzvü olan ölkələr arasında ticarət dövriyyəsinin 10%-dən çox artdığını bildirib Baş nazir həmçinin qarşılıqlı ticarətin, investisiya əməkdaşlığının və müxtəlif sektorlar üzrə birgə layihələrin həyata keçirilməsinin daha da genişləndirilməsi üçün mühüm potensialın olduğunu vurğulayıb Azərbaycanın sosial-iqtisadi inkişafının prioritetlərindən danışan O.Əsədov qeyd edib ki, hazırda ölkə iqtisadiyyatın sənaye, kənd təsərrüfatı, nəqliyyat-logistika, yüksək texnologiyalar sahələrində ardıcıl inkişaf edir Bundan başqa, yaşıl enerjinin inkişafının prioritet istiqamət olduğu vurğulanıb. Baş nazirin sözlərinə görə, ölkədə bərpa olunan enerji mənbələri sahəsində həyata keçirilən irimiqyaslı layihələr təkcə ekoloji dayanıqlığın gücləndirilməsinə deyil, həm də Azərbaycanın investisiya və ixrac potensialının genişləndirilməsinə xidmət edir Əsədovun sözlərinə görə, Qarabağ bölgəsinin bərpasına xüsusi diqqət yetirilir. Burada yaşıl enerji zonalarının yaradılması, müasir infrastruktur həllərinin, innovativ texnologiyaların tətbiqi, o cümlədən “ağıllı şəhər” və “ağıllı kənd” konsepsiyaları vasitəsilə keyfiyyətcə yeni davamlı inkişaf modeli həyata keçirilir Baş nazir bildirib ki, bu gün Qarabağ regionu iqtisadi fəaliyyət, investisiyalar və davamlı inkişaf üçün mühüm məkana çevrilir Çıxış zamanı o da vurğulanıb ki, Azərbaycan Avropa ilə Asiyanı birləşdirən etibarlı nəqliyyat və logistika qovşağı kimi öz rolunu ardıcıl olaraq gücləndirib. İrimiqyaslı infrastruktur layihələrinin həyata keçirilməsi və beynəlxalq nəqliyyat dəhlizlərinin inkişafı ölkənin tranzit potensialının daha da genişlənməsinə və Avrasiya məkanında logistika əlaqələrinin güclənməsinə töhfə verir Bundan əlavə, O.Əsədov iqtisadiyyatın şaxələndirilməsinə və dayanıqlı artımın təmin edilməsinə yönəlmiş irimiqyaslı iqtisadi təşəbbüslərin həyata keçirilməsinin intensivləşdiyini qeyd edib. Bununla bağlı məlumat verilib ki, 2025-ci ilin dekabrında texnologiya sektorunun, innovasiyaların və rəqəmsal transformasiyanın sürətli inkişafını nəzərdə tutan 2026–2029-cu illər üçün Azərbaycanda Rəqəmsal İqtisadiyyatın İnkişafı Strategiyası təsdiq edilib Baş nazir qeyd edib ki, həyata keçirilən təşəbbüslər kompleksi qeyri-neft sektorunun dayanıqlı artımına və beynəlxalq iqtisadi əməkdaşlığın genişlənməsinə, o cümlədən texnologiyalara, infrastrukturun inkişafına və regional inteqrasiyaya əsaslanan yeni iqtisadi modelin formalaşmasına töhfə verir O. Əsədov çıxışını Azərbaycanın MDB çərçivəsində həmişə mehriban qonşuluq, qarşılıqlı hörmət və konstruktiv tərəfdaşlıq prinsiplərinə sadiq qaldığını vurğulayaraq yekunlaşdırıb Sonra hökumət başçıları geniş tərkibdə görüşü davam etdiriblər. Görüşün sonunda bir sıra sənədlər imzalanıb Trend İnformasiya Agentliyinin WhatsApp kanalında daha çox xəbərlərdən xəbərdar olun