Azərbaycan və Türkiyə kütləvi qırğın silahlarına hazırlıq üzrə təcrübə mübadiləsi aparır (FOTO)

BAKI, Azərbaycan, 5 may. Bakıda Azərbaycan və Türkiyə nümayəndələri arasında kütləvi qırğın silahlarından qorunma imkanlarının artırılması və bu sahədə qlobal hadisələrin monitorinqi üzrə görüş keçirilir General-leytenant Azər Əliyev qonaqları ölkəmizdə salamlamaqdan məmnunluğunu ifadə edərək, Azərbaycan ilə Türkiyə arasında qardaşlıq və dostluğa əsaslanan əlaqələrin hərbi sahədə də sürətlə inkişaf etdiyini və strateji tərəfdaşlıq səviyyəsinə yüksəldiyini qeyd edib Görüşdə qeyd olunub ki, qarşılıqlı səfərlər qlobal və regional inkişaf tendensiyaları nəzərə alınmaqla radioloji, kimyəvi, bioloji mühafizə sahəsində fəaliyyətin davamlı təhlilinə, Silahlı Qüvvələrin imkanlarının ən yüksək səviyyədə saxlanılmasına mühüm töhfə verir Tərəflər, həmçinin hərbi, hərbi-texniki və digər sahələrdə həyata keçirilən tədbirlərin hazırkı vəziyyətini müzakirə edib, ümumi maraq doğuran məsələlər ətrafında geniş fikir mübadiləsi aparıblar