Azərbaycan və Gürcüstan enerji sahəsində əməkdaşlığın inkişaf perspektivlərini müzakirə edirlər

BAKI, Azərbaycan, 2 iyun. Azərbaycan və Gürcüstan arasında enerji sahəsində əməkdaşlığın inkişaf perspektivləri müzakirə olunub. Bu barədə Trend-ə "Azərenerji" ASC-dəki mənbə bildirib Müzakirə “Azərenerji” ASC-nin İdarə Heyətinin sədri Baba Rzayevin Gürcüstanın İqtisadiyyat və Davamlı İnkişaf nazirinin müavini İnqa Pxaladze ilə görüşündə aparılıb Gürcüstanın Dövlət Elektrik Sisteminin direktoru Vano Zardiaşvilinin də iştirak etdiyi görüşdə iki ölkə arasında enerji sahəsində əməkdaşlığın hazırkı vəziyyəti və inkişaf perspektivləri müzakirə edilib Tərəflər müasir bərpa olunan texnologiyalar, bərpa olunan enerji mənbələrinin enerji sisteminə inteqrasiyası, enerji şirkətləri arasında əlaqələr və digər mövzular ətrafında fikir mübadiləsi aparıblar