Azərbaycan və bp yüksək performanslı hesablama və enerji əməkdaşlığını artırmaq üçün memorandum imzalayıb (FOTO)

BAKI, Azərbaycan, 12 may. Azərbaycanın İqtisadiyyat Nazirliyi, SOCAR və bp Exploration (Caspian Sea) Limited şirkəti arasında Yüksək Performanslı Hesablama İnfrastrukturunun İnkişafına dair Anlaşma Memorandumu imzalanıb. Bu barədə Azərbaycanın iqtisadiyyat naziri Mikayıl Cabbarov X hesabında yazıb “bp-nin baş icraçı direktoru Meq O'Nil ilə görüşdə İqtisadiyyat Nazirliyi, SOCAR və BP Exploration (Caspian Sea) Limited arasında sənədlər imzalanıb İqtisadiyyat Nazirliyi və BP Exploration Limited şirkəti arasında imzalanmış yüksək məhsuldar hesablama (HPC) infrastrukturunun inkişafı sahəsində əməkdaşlığa dair Anlaşma Memorandumu rəqəmsal iqtisadiyyatın inkişafı məqsədi ilə İqtisadiyyat Nazirliyinin HPC infrastrukturunun gücləndirilməsi üçün bp şirkətinin təcrübəsindən istifadə etməyi nəzərdə tutur. Bundan əlavə, BP Exploration Limited və ARDNŞ arasında imzalanmış memorandum tərəflər arasında enerji əməkdaşlığını genişləndirəcək və ölkəmizin qlobal enerji qovşağı kimi mövqeyini möhkəmləndirəcək”, - yazıda deyilir