Azdrama Konyada keçirilən festivalda beynəlxalq əməkdaşlığın yeni səhifəsini açır - FOTO

Azdrama-nın mətbuat xidmətindən Day.Az-a verilən məlumata görə, Azərbaycan Dövlət Akademik Milli Dram Teatrı Azərbaycan Mədəniyyət Nazirliyi və Türkiyənin Mədəniyyət və Turizm Nazirliyinin dəstəyi ilə Konyada keçirilən Beynəlxalq Teatr Festivalında iştirak edir İyunun 2-də festivalın rəsmi açılış mərasimi olub. Tədbir çərçivəsində Türkiyə Dövlət Teatrlarının baş direktoru Tamer Karadağlı ilə Azdramanın direktoru, Əməkdar Mədəniyyət İşçisi İlham Əsgərov və teatrın yaradıcı kollektivi arasında görüş keçirilib Görüşdə Türkiyə Dövlət Teatrları ilə “Azdrama” arasında hər iki ölkənin mədəniyyət nazirliklərinin dəstəyi ilə yaradılmış birgə iş yüksək qiymətləndirilib. İştirakçılar bu il martın 10-da Bakıda keçirilən və türkdilli ölkələrin milli teatrlarının iştirak etdiyi Milli Teatr Gününün qeyd olunduğunu da xatırladıblar. Bildirilib ki, “Azdrama”nın təşəbbüsü pantürk teatr mədəniyyətinin inkişafına töhfə verən gözəl nümunədir. Tərəflər gələcək əməkdaşlığın perspektivlərini müzakirə ediblər Qeyd edək ki, teatr iyunun 3-də Uilyam Şekspirin “Kral Lir” əsəri əsasında hazırlanmış “Kral Lirin faciəsi” tamaşasını təqdim edəcək Tamaşanın baş rejissoru və bəstəkarı Şota Rustaveli adına Gürcüstan Milli Teatrının baş rejissoru David Sakvarelidze, quruluşçu rejissoru Anar Babalıdır. Əsərin tərcümə və səhnə variantının müəllifi Kamran Nəzirli olub. Quruluşçu və geyim üzrə rəssam - Vüsal Rəhim, işıq üzrə rəssam - Rafael Vaqifoğlu, rejissor assistenti - Nərmin Həsənova. Səhnə döyüşləri və plastik həllər Bəhruz Əhmədli tərəfindən hazırlanıb Tamaşada xalq artistləri Nurəddin Mehtihanlı və Sabir Məmmədov, əməkdar artistlər Münəvvər Əliyeva, Elnar Qarayev, Anar Qeybətov, Elşən Rüstəmov, o cümlədən aktyorlar İlahə Həsənova, Rəbbilya Ələkbərzadə, Tural İbrahimov, Elsevər Rəhimov, Elçin Nurəliyev, V. Mustafayev, Kanusəliyev, Əliulla Məmmədovdur. Hüseynov, Muxuma Saxov, Rüfət Əhmədov, Fərid Qarayev, Nicat İsgəndərov, Nihad Aslan və Aylin Həşimli Mətndə xəta gördünüz? Mətni seçin və klaviaturanızda Ctrl + Enter düymələrini basaraq bizə bildirin