Ayaz Müseyibov: İncəsənətin inkişafı üçün yeni strategiyalar müəyyənləşdiriləcək

Ölkəmizdə elmi-mədəni mühitin formalaşdırılması, milli-mədəni dəyərlərin qorunması və təbliği xüsusi önəm daşıyır. Xüsusilə işğaldan azad edilmiş ərazilərdə mədəni həyatın bərpası, bu bölgələrdə mədəniyyətin yenidən canlandırılması prioritet məsələlərdəndir. Bu istiqamətdə dövlət qurumları tərəfindən ardıcıl tədbirlər həyata keçirilir AZƏRTAC xəbər verir ki, bu fikirləri “Azərbaycan Mədəniyyəti – 2040” konsepsiyasının icrası üzrə İşçi Qrup rəhbərinin müavini Ayaz Müseyibov konsepsiya çərçivəsində “İncəsənətin inkişafına dair dövlət proqramı layihəsinin hazırlanması” yarımbəndinin icrasını təmin etmək üçün yaradılmış Komissiyanın ilk iclasında, həmçinin proqram layihəsini hazırlayan işçi qrupun növbəti toplantısında bildirib "Əsas çağırışlardan biri mədəniyyət və incəsənət sahəsində sistemli inkişafın təmin edilməsidir. Eyni zamanda, təhsil infrastrukturunun inkişafı, müasir təhsil metodlarının tətbiqi və incəsənət sahəsində nəticəyönümlü qiymətləndirmə mexanizmlərinin formalaşdırılması xüsusi diqqət tələb edir. Bu sahədə mövcud vəziyyət təhlil olunacaq və inkişaf strategiyaları müəyyən ediləcək", - deyə Ayaz Müseyibov qeyd edib 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır