"Atletiko" ilə vidalaşan Qrizmann azarkeşlərdən üzr istəyib: Səhv etdim, özümə gəldim

"Atletiko Madrid"in ulduz futbolçusu Antuan Qrizmann "Jirona" matçından sonra azarkeşləri ilə vidalaşıb. Fransız ulduzun "Barselona"ya keçidi ilə bağlı etirafı gecəyə damğasını vurub La Liqanın 37-ci həftəsində "Atletiko Madrid" öz meydanında "Jirona"nı 1:0 hesabı ilə məğlub edib. Ademola Lookmanın qolu Dieqo Simeonenin komandasına qələbə qazandırıb MLS-in "Orlando Siti" komandası ilə müqavilə imzalayan Antuan Qrizmann son matçını "Atletiko Madrid" azarkeşləri önündə keçirib. Fransalı ulduz matçda 90 dəqiqə meydanda qalıb Matçdan sonra təşkil edilən mərasimdə azarkeşlərə müraciət edən Qrizmann "Barselona"ya keçidindən peşman olduğunu bildirib. Təcrübəli futbolçu "Əvvəla, burada olduğunuz üçün sizə təşəkkür etmək istəyirəm. İkincisi, daha da önəmlisi, bir daha üzr istəyirəm. Burada nə qədər sevildiyimin fərqində deyildim, çox gənc idim" dedi Fransız ulduz sözlərini davam etdirərək, Barselonaya getmək qərarını səhv olaraq gördüyünü bildirib. Qrizmann "Səhv etdim, özümə gəldim. Buraya qayıdıb yenidən həzz almaq üçün əlimdən gələni etdim" dedi Antuan Qrizmann 2019-cu ildə 120 milyon avroya "Atletiko Madrid"dən "Barselona"ya transfer olunub. Qısa müddətli "Barselona" karyerasından sonra "Atletiko Madrid"ə qayıdan ulduz futbolçu yenidən azarkeş sevgisini qazanıb 35 yaşlı futbolçu "Atletiko Madrid"də 500 matçda 212 qol vurub və 100 məhsuldar ötürmə edib. Qrizmann klub tarixinin ən önəmli oyunçularından biri hesab olunur