Aktobe vilayətində baş verən yol qəzasında 3 nəfər ölüb

Aktobe vilayətində baş verən yol qəzasında 3 nəfər ölüb. Hadisə "Aktobe-Həştərxan" magistralının Bayqanin rayonu ərazisində baş verib Regional polis idarəsindən verilən məlumata görə, “DAF” markalı yük maşını iki “Toyota Camry” markalı avtomobillə toqquşub. Zərbə o qədər güclü olub ki, maşınlardan biri yerindəcə yanıb. İki nəfər hadisə yerində, bir nəfər isə xəstəxanaya çatdıqdan sonra dünyasını dəyişib. Xəsarət alanlara hərtərəfli yardım göstərmək üçün rayon mərkəzindən aviasiya briqadası göndərilib. Hazırda qəzanın səbəbləri müəyyənləşdirilir. Aybek Boraşev, inzibati polis idarəsinin rəis müavini: 8 nəfər müxtəlif dərəcəli bədən xəsarətləri ilə Bayqanin rayon xəstəxanasına çatdırılıb. Hazırda bu məlumat əsasında araşdırma aparılır. Hörmətli sürücülər, avtomobil idarə edərkən yol hərəkəti qaydalarına ciddi əməl etməyi sizə xatırladırıq!