Aqrar İnnovasiya Mərkəzinin direktoru: “Caspian Agro Week”i 51 bölgədən minədək fermer ziyarət edib

Bakı Ekspo Mərkəzində keçirilən “Caspian Agro Week” – 19-cu Azərbaycan Beynəlxalq Kənd Təsərrüfatı Sərgisini ölkəmizin 51 bölgəsindən minədək fermer ziyarət edib AZƏRTAC xəbər verir ki, bunu Aqrar İnnovasiya Mərkəzinin direktoru Anar Cəfərov III Beynəlxalq Aqrar İnnovasiya Forumundakı çıxışı zamanı deyib O bildirib ki, kənd təsərrüfatı üzrə regionun ən nüfuzlu tədbiri və milli brendə çevrilmiş “Caspian Agro” bu ildən etibarən yeni brend - “Caspian Agro Week” adı ilə təşkil edilir “Sərgidə regionlarımızın aqrar sahədə mövcud imkanları ilə yaxından tanış olmaq mümkündür. Həmçinin sərgi fermerlərə ən son sənaye yenilikləri və beynəlxalq təcrübə ilə tanış olmağa imkan yaradır. Eyni zamanda, fermerlər üçün sahə turları təşkil edilir. “Caspian Agro Week” çərçivəsində müxtəlif sahələrdə fərqlənən fermerlər mükafatlandırılacaq”, - deyə Anar Cəfərov vurğulayıb 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır