Putin əleyhinə karikaturaları ilə tanınan rusiyalı rəssam Polşada öldürülüb - QHA - Krım Xəbər Agentliyi

Rusiya əleyhinə prezident Vladimir Putin karikaturaları ilə tanınan dissident rus rəssamı Semyon Skrepetski mühacirətdə yaşadığı Polşada silahlı hücum nəticəsində dünyasını dəyişib Polşa mətbuatı Polsat News-un yerli polis mənbələrinə istinadən verdiyi məlumata görə, sui-qəsd Polşanın Biala Podlaska şəhərində baş verib. Bildirilib ki, 44 yaşlı sənətçi naməlum şəxs tərəfindən güllə yağışı altında öldürülüb Polşa polisi qətldən sonra bölgədə geniş miqyaslı araşdırma başlatdı. Təhlükəsizlik qüvvələri ilk saatlarda əməliyyatlarını dərinləşdirib və gün ərzində hadisə ilə əlaqədə şübhəli bilinərək bir neçə nəfəri saxlayıb, lakin prokurorun dindirməsindən sonra bu şəxslərin hamısı sərbəst buraxılıb. Polşa polisi istintaqın məxfiliyi və təhlükəsizliyinə görə qurbanın kimliyini hələlik rəsmi şəkildə ictimaiyyətə açıqlamayıb. Buna cavab olaraq ölkənin aparıcı media qurumları qətlə yetirilən şəxsin 2021-ci ildən Polşada qaçqın həyatı yaşayan və Kremli hədəfə alan şokedici rəsmləri ilə tanınan Semyon Skrepetskiy olduğunu qəti şəkildə təsdiqləyib Skrepetski öldürülməzdən bir neçə gün əvvəl, ötən cümə günü Berlindəki Rusiya səfirliyi qarşısında keçirilən böyük etiraz aksiyasında iştirak edib. Aksiyada o, şalvarına bağladığı Rusiya bayrağı və sovet diktatoru İosif Stalinin Vladimir Putini “yedirdiyi” tablosu ilə diqqət çəkib