İlhaq edilmiş Donetskdə pilotsuz təyyarənin endirilməsi nəticəsində 7 nəfər həlak olub

Rusiyanın ilhaq etdiyi Donetsk vilayətində avtobusun vurulması nəticəsində azı 7 nəfər həlak olub. Bu barədə iyunun 3-də “Telegram” vasitəsilə Moskvanın işğal etdiyi vilayət administrasiyasının rəhbəri Denis Puşilin məlumat verib O, dron hücumuna görə Ukraynanı günahlandırıb və bildirib ki, Enakievoda Moskva-Simferopol avtobusuna hücum edilib Enakievo Qara dənizdə, Rusiya tərəfindən ilhaq edilmiş Krım yarımadasına və onun paytaxtı Simferopola gedən yolda yerləşən şəhərdir Puşilin hadisəni “qeyri-insani təcavüz” adlandırıb. Rusiya İstintaq Komitəsi terror aktı əsasında cinayət işi açıb 2022-ci ilin fevralından qonşusu Rusiyanın genişmiqyaslı təcavüzünə qarşı mübarizə aparan Ukrayna Rusiya torpaqlarında yalnız hərbi və sənaye obyektlərinə zərbələr endirdiyini hər zaman vurğulayır. Bununla belə, Ukraynanın pilotsuz təyyarələrinin zərbələrindən mülki əhali də təsirlənir Rusiya da öz növbəsində “cavab zərbələri”ni daha da gücləndirir. Məsələn, iyunun 2-də Kiyev və Dnepr kimi milyonlarla insanın yaşadığı Ukrayna şəhərləri pilotsuz təyyarələr və raketlərlə hücuma məruz qalıb, nəticədə azı 22 nəfər ölüb, 130 nəfər yaralanıb