Amerika Qrenlandiyanı unutmur

ABŞ son aylarda Danimarka ilə Qrenlandiyada üç yeni hərbi bazanın açılmasını müzakirə edir. Bu barədə BBC danışıqlara yaxın olan rəsmilərə və diplomatlara istinadən məlumat yayıb. Yanvarın ortalarından bəri tərəflər ən azı beş dəfə görüşüblər Danışıqlarda ABŞ-ı Dövlət Departamentinin müşaviri Maykl Nidhem təmsil edir. Ağ Ev Danimarka ilə yüksək səviyyədə danışıqlar faktını təsdiqləyib, lakin təfərrüatları açıqlamaqdan imtina edib, yalnız “prosesin düzgün istiqamətdə getdiyini” və administrasiyanın bu prosesə nikbin baxdığını qeyd edib. Danimarka Xarici İşlər Nazirliyi danışıqların getdiyini təsdiqləyib, həmçinin təfərrüatları açıqlamaqdan imtina edib BBC mənbələri bildiriblər ki, yeni bazaların adanın cənubunda yerləşəcəyi gözlənilir. Onların vəzifələrinə Şimali Atlantikada Rusiya və Çin donanmalarının potensial fəaliyyətinin monitorinqi daxildir. BBC mənbələri qeyd edib ki, tərəflər arasında yekun razılıq əldə olunmayıb və yaradılması gözlənilən bazaların sayı dəyişə bilər