AMB: Hazırda AZ-QR infrastrukturunun daha da genişləndirilməsi istiqamətində işlər aparılır

Hazırda AZ-QR infrastrukturunun daha da genişləndirilməsi istiqamətində işlər aparılır. Növbəti mərhələdə isə bu həll çərçivəsində təqdim olunan əlavə imkanların da artırılması planlaşdırılır AZƏRTAC xəbər verir ki, bunu Azərbaycan Mərkəzi Bankının (AMB) sədr müavini Vüsal Xəlilov “Beynəlxalq Maliyyə və Bankçılıq Sammiti 2026: Türk Dövlətlərinin Qlobal Maliyyə İnteqrasiyası” mövzusunda keçirilən beynəlxalq tədbirdə çıxışı zamanı deyib O bildirib ki, atılan addımların əsas məqsədi ödəniş ekosistemində xərclərin azaldılması və daha səmərəli mühitin formalaşdırılmasıdır “AZ-QR standartı ilə bağlı artıq vətəndaşlar təsərrüfat subyektlərində QR kod vasitəsilə ödəniş edə bilirlər. Bu yeniliyin əhəmiyyəti ondan ibarətdir ki, QR ödənişləri tam şəkildə ölkə daxilində emal olunur və hazırda bazardakı ən aşağı xərcli ödəniş üsullarından biridir. Bu isə bir sıra üstünlüklər yaradır ki, bu da təsərrüfat subyektlərinin ödənişlərlə bağlı xərclərinin azalmasına imkan verir. Digər tərəfdən isə maliyyə sektorunda mövcud olan xərc çağırışlarının aradan qaldırılmasına dəstək olur”, - deyə sədr müavini əlavə edib 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır