Şalva Papuaşvili: Azərbaycanla Ermənistan arasında sülh sazişinə doğru yol Gürcüstan üçün vacibdir

Regionda formalaşan yeni dinamika Ermənistan-Azərbaycan münasibətlərinin normallaşması və sülh sazişinə doğru irəliləyiş baxımından mühüm əhəmiyyət daşıyır "Report"un yerli bürosu xəbər verir ki, bunu Gürcüstan Parlamentinin sədri Şalva Papuaşvili Ermənistanda seçkilərdə Nikol Paşinyanın partiyasının liderlik etməsi ilə bağlı jurnalistlərə açıqlamasında deyib O, qeyd edib ki, Gürcüstan üçün Cənubi Qafqazda sabitlik və əməkdaşlıq prioritet istiqamətlərdən biridir: "Regionda mövcud olan yeni dinamika, Azərbaycanla Ermənistan arasında sülh sazişinə doğru yol, açıq sərhədlər və iki ölkə arasında davam edən dialoq Gürcüstan üçün vacibdir" Ş.Papuaşvili əlavə edib ki, regionda sülh və sabitliyin təmin olunması bütün tərəflərin birgə məsuliyyətidir "Regionda sülh və sabitlik bizim üçün vacibdir. Nikol Paşinyanın vədi Ermənistan üçün sülh və sabitliyi təmin etmək idi ki, bu da nəticə etibarilə bütün region üçün sülh və sabitlik deməkdir. Bu, regiondakı hər bir ölkənin dövlətinə və xalqına fayda verəcək", - o qeyd edib Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir