Qızıl investorları üçün kabus ssenarisi

Qlobal bazarlar qızıl qiymətlərindəki kəskin dalğalanmalara diqqət yetirərkən, beynəlxalq maliyyə nəhəngi Citi-dən investorları narahat edən xəbərdarlıq gəldi. Bankın analitikləri qızılın qısamüddətli perspektivdə yüksək risk daşıdığını bildirərək, unsiya qiymətinin 3500 dollara düşə biləcəyi çöküş ssenarisini müzakirə ediblər Qızıl qiymətləri keçən ilin yanvarında bütün zamanların tarixi zirvəsini sınaqdan keçirərək unsiya üçün 5,594 dollar təşkil edib. Lakin bu rekord yüksəlişdən sonra bazarlarda külək tərsinə dönüb və qiymətli metal kəskin geri çəkilməyə başlayıb. Qlobal bazarlarda volatillik artdıqca, qızılda köhnə yüksəliş sürəti öz yerini fərqli eniş tendensiyasına verdi CNBC-nin istinad etdiyi Citi hesabatında qısamüddətli risklərin çox yüksək olduğu qeyd edilib. Hesabatda ən diqqət çəkən detal geosiyasi proseslərin qızıla mənfi təsiri olub. Analitiklər qlobal neft və ticarət şəbəkəsinin ürəyi olan Hörmüz boğazı ilə bağlı geosiyasi qeyri-müəyyənliklərin yayın sonuna qədər uzanacağı təqdirdə qızılın unsiyasının 3500 dollar səviyyəsinə düşə biləcəyini proqnozlaşdırıblar. Bu ssenarinin reallaşması qızılın hazırkı 4357 dollar səviyyəsindən təxminən 20 faizini itirməsi deməkdir Analitiklər vurğuladılar ki, qızıl tarix boyu həmişə “təhlükəsiz sığınacaq” kimi qəbul edilsə də, indiki konyukturada qısa müddətdə çox kövrək bir görünüş nümayiş etdirir. Hesabata görə, kritik dəniz tranzit xətlərində uzunmüddətli fasilələr gözləntilərin əksinə olaraq qlobal qızıl tələbini zəiflədə bilər Qızıl qiymətlərini aşağı salan digər əsas amillər aşağıdakı kimidir: Citi analitikləri bildiriblər ki, bu pessimist ssenarinin geri qaytarılması yenə də geosiyasi yumşalmadan asılıdır. Hesabatda qeyd olunub ki, Hörmüz boğazı ilə bağlı hərbi və siyasi gərginlik azalarsa və buna uyğun olaraq enerji qiymətləri azalarsa, qızıla olan satış təzyiqi azalacaq və bazar yenidən tarazlaşacaq və nəfəs alacaq