Almaniya-ABŞ xəttində gərginlik artır! Tramp 5 min əsgərini geri çəkir

Almaniya kansleri Merzin “ABŞ-ın çıxış strategiyası yoxdur və İran tərəfindən aşağılanır” açıqlamaları ABŞ administrasiyasında narahatlıq yaradıb. Yüksək rütbəli Pentaqon rəsmisi Reuters-ə verdiyi qiymətləndirmədə bu bəyanatları "uyğunsuz və faydasız" adlandırıb. Eyni məmur Trampın reaksiyasını “haqlı” hesab etdiklərini bildirib Pentaqon Almaniyadakı hərbi varlığın mərhələli şəkildə azaldılacağını və prosesin 6-12 ay ərzində tamamlanmasının planlaşdırıldığını açıqlayıb. Bu çərçivədə bir döyüş komandasının geri çəkiləcəyi və əvvəlki rəhbərlik dövründə planlaşdırılan batalyon göndərişinin də ləğv edildiyi bildirildi Təxminən 35 min Amerika əsgərinə ev sahibliyi edən Almaniya ABŞ-ın Avropadakı ən əhəmiyyətli hərbi yerləşdirmə məntəqəsi olmağa davam edir. Alınan qərarın NATO balansları və regional təhlükəsizlik baxımından təsirləri yaxından izlənilir Tramp təkcə Almaniya ilə məhdudlaşmayıb, İtaliya və İspaniyanı da hədəfə alıb. Hörmüz boğazının təhlükəsizliyinə kifayət qədər dəstək vermədiklərini iddia edən Tramp bu ölkələrdən qoşunlarını çıxara biləcəyini bildirib. İtaliyanın müdafiə naziri Guido Crosetto bu iddiaları rədd edərək ölkəsinin dəniz təhlükəsizliyinə töhfə verdiyini bildirib ABŞ prezidenti Tramp Avropalı müttəfiqlərin İran müharibəsində iştirak etməməsi səbəbindən NATO-dan çıxmaq variantını da gündəmə gətirib. Lakin 2024-cü ildə qüvvəyə minən qanun ABŞ-a Konqresin razılığı olmadan NATO-dan çıxmağa imkan vermir. Senatorlar Avropada hərbi mövcudluğun strateji əhəmiyyətini qeyd edir və mümkün geri çəkilmənin ABŞ-ın maraqlarına zərər verəcəyi qənaətindədirlər