Albaniyada Milli Qurtuluş Gününə həsr olunan tədbir baş tutub

Albaniyanın Elbasan şəhərində fəaliyyət göstərən Xüsusi Ehtiyacları olan İnsanların İnteqrasiyası Mərkəzi və Azərbaycanın Albaniya səfirliyinin birgə təşkilatçılığı ilə “Azərbaycanın Milli Qurtuluş Gününə” həsr olunan tədbir keçirilib. Tədbirdə Elbasan şəhər bələdiyyə və prefekturasının nümayəndələri, mərkəzin direktoru və valideynlər iştirak ediblər AZƏRTAC xəbər verir ki, Elbasan şəhərində yerləşən “Zera Jete” mərkəzində təşkil olunan tədbirdə xüsusi qayğıya ehtiyacı olan uşaqlar tərəfindən Azərbaycana həsr olunmuş rəsmlərin müsabiqəsi keçirilib. Bununla yanaşı, proqramın mədəni hissəsində uşaqlar Azərbaycan mahnıları birgə ifa ediblər Azərbaycanın Albaniyadakı səfiri Anar Hüseynov Azərbaycan xalqının yaddaşında mühüm yer tutan 15 İyun – Milli Qurtuluş Gününün əhəmiyyətindən bəhs edərək, ölkənin müasir inkişaf mərhələsinin formalaşmasında Ümummilli Lider Heydər Əliyevin rolunu vurğulayıb 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır