Akiko Fujii: Özbəkistan gender öhdəliklərini uğurla yerinə yetirir

– Mən Özbəkistan hökumətini bu forumu təşkil etdiyinə görə səmimi qəlbdən təbrik edirəm. Forumun əsas tədbirləri və sessiyaları çox uğurla keçdi Bu mötəbər tədbir öz məzmununa görə çox əhəmiyyətlidir. İqtisadi və sosial məsələləri müzakirə etmək üçün 20-dən çox ölkədən parlament və hökumət səviyyələrində rəsmilər toplaşıb. Bunlar adi məsələlər deyil, qadın hüquqları, uşaqların maraqları və gender bərabərliyi kimi qlobal əhəmiyyətli mövzulardır. Əhəmiyyətlisi odur ki, dərin təhlillərin aparıldığı bu dialoq platformasında problemlər qaldırılıb, onların həlli istiqamətində qəti öhdəliklərin götürülməsi ilə bağlı təkliflər irəli sürülüb Qeyd etməliyəm ki, Özbəkistanda məhz bu sahələrdə mühüm irəliləyişlər əldə edilir. Uşaq və qadın hüquqlarının müdafiəsi gücləndirilib. Gender bərabərliyinə nail olmaq üzrə öhdəliklər də uğurla yerinə yetirilir. Biz bu istiqamətdə səmərəli əməkdaşlıq qurmağımızdan məmnunuq Qadınların dövlət idarəçiliyində iştirakının genişlənməsi və onların maliyyə dəstəyinə artan diqqət sayəsində qadınların sahibkarlıq fəaliyyətinin artması sevindirici haldır Qlobal miqyasda parlamentdəki yerlərin 27 faizini qadınlar təşkil etdiyi halda, Özbəkistanda bu rəqəm artıq 38 faizə çatıb. Bu, böyük nailiyyətdir Biz maraq və məmnunluqla qeyd etdik ki, forum beynəlxalq tərəfdaşların Özbəkistana dəstək və qadın liderliyinin gücləndirilməsi, gender maliyyələşdirilməsi və işə qəbul kimi məsələlərdə mühüm qərarların qəbul oluna biləcəyi ekosistemin qurulmasında birləşmək zərurətini vurğuladı Qadınlar mühüm qərarların qəbulunda iştirak etməlidirlər. Bu proses daha da genişlənərsə, Özbəkistandakı müsbət dəyişikliklər daha da geniş vüsət alacaq Norgül Abduraimova, UzA