AİHM-in şərhi ilə bağlı layihə üzərində işləmək qərarı

Avropa Şurası Nümayəndələr Komitəsinin 9-11 iyun 2026-cı il tarixlərində keçirilən müddətli iclasında Kiprdəki əmlak məsələsi ilə bağlı texniki qərar qəbul edilib Komitə Avropa Şurasının Katibliyinə Avropa İnsan Hüquqları Məhkəməsinin (AİHM) Kipr mülkiyyəti məsələsinə dair 2001-ci il qərarının şərhi ilə bağlı araşdırma layihəsini həyata keçirmək səlahiyyəti verib İclasda AİHM qərarının icrasının əngəlləndiyi barədə qərar qəbul edilməsə də, bunun əvəzinə Katiblik tərəfindən hazırlanacaq layihənin qiymətləndirilməsi üçün prosessual addımın atılmasına üstünlük verilib. İclasda Katibliyə səlahiyyət verilməsi ilə bağlı qərar mütləq səs çoxluğu ilə qəbul edilib Komitənin hazırkı qərarı tərəflərin əmlak məsələsi ilə bağlı əsas hüquqi arqumentlərinə təsir etmir və bu, AİHM-dən rəsmi şərh tələbini nəzərdə tutmur. Prosedura görə, 2027-ci ilin iyununda keçirilməsi planlaşdırılan növbəti Komitənin iclasında AİHM-dən rəsmi şərh tələb etmək üçün Nümayəndələr Komitəsində ən azı 31 səs (xüsusi səs çoxluğu) əldə edilməlidir Bildirilib ki, sözügedən prosessual qərar əvvəllər AİHM tərəfindən effektiv daxili hüquqi mexanizm kimi qəbul edilmiş Daşınmaz Əmlak Komissiyasının (TMK) statusu və ya səmərəliliyində hər hansı hüquqi dəyişiklik yaratmayıb. Məsələnin Komitənin 2027-ci ilin iyununda keçiriləcək iclasında yenidən müzakirə ediləcəyi gözlənilir