Ağalarov: WUF13 Azərbaycan üçün ən əlamətdar beynəlxalq tədbirlərdən biridir

Bakıda keçirilən Ümumdünya Şəhər Forumu (WUF13) Azərbaycan üçün COP29-dan sonra ən əlamətdar beynəlxalq tədbirlərdən biridir. Forum dünyanın müxtəlif ölkələrindən on minlərlə iştirakçını, o cümlədən dövlət başçılarını, beynəlxalq təşkilatların nümayəndələrini və urbanistika sahəsində ekspertləri bir araya gətirdi AZƏRTAC xəbər verir ki, bunu WUF13-də “Sea Breeze” pavilyonunda jurnalistlərə açıqlamasında “Agalarov Development” şirkətinin prezidenti Emin Ağalarov deyib Onun sözlərinə görə, forum şəhərsalma və dayanıqlı şəhər mühitinə müasir yanaşmaların nümayişi üçün mühüm platformaya çevrilib "Sea Breeze bu gün yeni ekoloji cəhətdən təmiz və rahat şəhərlərin yaradılmasının parlaq nümunələrindən biridir. Forum sayəsində biz layihəni geniş beynəlxalq auditoriyaya təqdim etmək, baş planı, planlarını və inkişaf konsepsiyasını göstərmək imkanı əldə etdik", - E.Ağalarov vurğulayıb O, forum iştirakçılarının “Sea Breeze” pavilyonuna yüksək marağını qeyd edib Sahibkar bildirib ki, layihə çərçivəsində artıq bir neçə milyon kvadratmetr daşınmaz əmlak tikilib istifadəyə verilib, 4 milyon kvadratmetrdən çox isə tikilməkdədir "Biz dünyanın aparıcı memarları ilə işləməyə davam edirik və Sea Breeze-nin gələcək sakinlərinin və qonaqlarının həyatının mümkün qədər rahat olmasını təmin etməyə xüsusi diqqət yetiririk" dedi “Ağalarov Development” şirkətinin prezidentinin sözlərinə görə, yay mövsümü ərəfəsində Sea Breeze ərazisində gəzinti zonaları genişləndirilib, yaşıllıqların, hovuzların və infrastruktur obyektlərinin sayı artırılıb “Bizim üçün vacibdir ki, insanlar burada özlərini rahat hiss etsinlər, yüksək səviyyədə xidmət alsınlar, ekoloji cəhətdən təmiz və düşünülmüş mühitdə olsunlar”, - deyə E.Ağalarov əlavə edib