Ədliyyə Naziri Akın Gürlek: “Heç kim Türkiyə məhkəmələrinə barmağını göstərə bilməz”

Ədliyyə naziri Akın Gürlek sosial media hesabından paylaşdığı mesajda Türkiyənin müstəqil, suveren və demokratik hüquqi dövlət kimliyinə diqqət çəkib. Türkiyədə məhkəmə proseslərinin beynəlxalq dairələr tərəfindən izlənilməsinin ölkənin demokratik yetkinliyinin və şəffaflığının göstəricisi olduğunu deyən Gürlek, davam edən işlərlə bağlı məhkəmələr qarşısında verilən açıqlamaları tənqid edib və bu münasibətin birbaşa Türkiyə məhkəmə sistemini hədəfə aldığını və məhkəmə proseslərini siyasi təzyiq altında saxlamaq üçün qəbuledilməz bir yanaşma olduğunu vurğulayıb Məhkəmə proseslərinin hansı əsaslara söykəndiyini xatırladan nazir Gürlek, qərarların siyasi gündəmlərə, ideoloji gözləntilərə və ya xarici millət vəkillərinin lobbi fəaliyyətlərinə görə formalaşmadığını bildirib. Prosesin yalnız Konstitusiyaya, qanunlara, dosyedəki sübutlara və müstəqil məhkəmələrin ixtiyarına uyğun olaraq həyata keçirildiyini qeyd edərək, “Burada açıq şəkildə bildirirəm ki, heç kim Türkiyə məhkəmələrinə barmağını göstərə bilməz, onlar davam edən məhkəmə proseslərinə təsir göstərməyə, Türkiyə məhkəmə sisteminə təzyiq etməyə, ölkəmizin daxili işlərinə qarışmağa cəhd edə bilməzlər” Türkiyənin keçmişdən bu günə apardığı mübarizələrə və bugünkü vəziyyətinə toxunan Gürlek, prezident Rəcəb Tayyib Ərdoğanın rəhbərlik etdiyi prosesi xatırladıb. O, Türkiyənin qəyyumluq mərkəzlərinə, dövlət çevrilişinə cəhdlərə, terror təşkilatlarına və kənardan demokratiya dərsi verməyə çalışan dairələrə qarşı milli iradəsini hər zaman qoruyaraq bu günə çatdığını bildirib Ölkənin öz qanunlarını tətbiq etmə gücünə, demokratiyasını qoruma iradəsinə və gələcəyini təyin etmək üçün suverenliyinə malik böyük bir dövlət olduğunu qeyd edən nazir Gürlek, "Milli iradəmizi, məhkəmə təşkilatımızı və hüquq dövlətimizi hədəf alan heç bir siyasi gündəmə icazə verməyəcəyik" dedi