ABŞ İranın Hark adasına doğru hərəkət edən neft tankerini zərərsizləşdirib

ABŞ Mərkəzi Komandanlığı (CENTCOM) İranın Fars körfəzindəki Hark adasına doğru hərəkət edən neft tankerinin zərərsizləşdirildiyini açıqlayıb. Açıqlamada tankerin ABŞ qüvvələrinin xəbərdarlığına tabe olmadığı bildirilib CENTCOM-un bəyanatına görə, Botsvana bayraqlı “M/T Lexie” yüksüz neft tankeri beynəlxalq sularda İranın Fars körfəzindəki Hark adasına doğru hərəkət edərkən ABŞ qüvvələri tərəfindən dayandırılıb. ABŞ ordusu tankerə qarşı blokada tədbirlərinin tətbiq edildiyini və heyətə müxtəlif xəbərdarlıqların edildiyini bildirib Açıqlamada gəmi heyətinin ABŞ qüvvələrinin göstərişlərinə əməl etmədiyi və xəbərdarlıqlara məhəl qoymadığı iddia edilib. Tankerin maşın otağının raketlə vurulduğu və gəminin hərəkət qabiliyyətinin aradan qaldırıldığı qeyd edilib CENTCOM əməliyyat nəticəsində neft tankerinin zərərsizləşdirildiyini və İrana çatmasının qarşısı alındığını açıqlayıb. Son günlər Fars körfəzində artan gərginliklə bölgədəki hərbi fəaliyyət diqqət çəksə də, sözügedən əməliyyat ABŞ və İran arasında gərginliyin daha da artdığına diqqət çəkib