Türkiyə ABŞ-İran razılaşmasını alqışladı | Xarici xəbərlər

Prezident Rəcəb Tayyib Ərdoğan ABŞ və İran arasında əldə olunan razılaşmanı alqışladıqlarını və bu razılaşmanın bölgədə daimi sülh və sabitliyə yol açacağına ümid etdiklərini bildirib Sosial media hesabından açıqlama verən Ərdoğan, razılaşmanın bölgədə "sülh və əmin-amanlığın təmin edilməsi baxımından əhəmiyyətli bir inkişaf" olduğunu vurğuladı. Razılaşmanın imzalanmasına qədər olan müddətdə tərəflərin gərginliyi artıracaq danışıq və hərəkətlərdən uzaq durması lazım olduğunu bildirən Ərdoğan, mümkün təxribat cəhdlərinə qarşı diqqətli olmağa da çağırıb Ərdoğan Pakistan, Qətər və Səudiyyə Ərəbistanına diplomatik səylərinə görə təşəkkür edib və Türkiyənin regional sülh və sabitliyə dəstəyini davam etdirəcəyini bildirib Mən ABŞ və İran arasında əldə olunan razılaşmanı regionumuzda sülhün təmin olunması üçün mühüm hadisə kimi görürəm və bunu alqışlayıram. Ümid edirik ki, bütün dünyanın çoxdan ehtiyac duyduğu bu xəbər bölgəmizdə davamlı sülh və etimad mühitinin yaranmasına səbəb olacaq Xarici işlər naziri Hakan Fidan da ABŞ və İran arasında müharibəyə son qoymaq üçün əldə olunan razılaşmanı alqışladıqlarını açıqlayıb Fidan sosial media hesabında qiymətləndirmələr edərək, razılaşmanın bölgədə daimi sülh və sabitliyin bərqərar olması istiqamətində mühüm addım olduğunu və bir-birini tamamlayan danışıqların konstruktiv əsasda davam etdirilməsini gözlədiklərini bildirib Fidan sazişi imzalayan tərəflərlə vasitəçilik rolunu oynayan Pakistanı və başda Qətər olmaqla prosesə dəstək verən digər ölkələri təbrik edib. Müqaviləni pozmaq cəhdlərinin qarşısının alınmasının vacib olduğunu vurğulayan Fidan bütün tərəfləri sağlam düşüncə və məsuliyyətə çağırıb Türkiyənin bütün proses boyunca diplomatik səyləri dəstəklədiyini ifadə edən Fidan, regional sülh və sabitliyə töhfə verməyə davam edəcəklərini bildirib Biz ABŞ və İran arasında müharibəyə son qoymaq üçün əldə olunan razılaşmanı alqışlayırıq. Bu razılaşma regionda daimi sülh və sabitliyin bərqərar olması istiqamətində mühüm addımdır. Əlavə danışıqlar konstruktiv münasibətlə davam etdirilməlidir Prezidentin kommunikasiyalar üzrə direktoru Burhanəddin Duran da ABŞ və İran arasında əldə olunan barışığı alqışladıqlarını açıqlayıb Duran sosial media hesabında paylaşım edərək, razılaşmanın bölgədəki gərginliyin aradan qaldırılması və sabitliyin bərpası baxımından əhəmiyyətli olduğunu bildirib. Davamlı sülhün ancaq dialoq, diplomatiya və beynəlxalq hüquqa bağlılıq ilə mümkün olacağını vurğulayan Duran, Türkiyənin Prezident Ərdoğanın liderliyində regionda sülh və sabitliyi dəstəkləyən bütün konstruktiv təşəbbüsləri dəstəkləməyə davam edəcəyini bildirib *Xəbərin görüntüləri ANKA tərəfindən təqdim edilib