Aİ və 4 Afrika ölkəsi ticarət razılaşması üzrə danışıqları tamamladı

Avropa İttifaqı (Aİ) ilə Şərqi və Cənubi Afrika ölkələri Komor, Madaqaskar, Mavrikiy və Seyşel adaları arasında mövcud İqtisadi Tərəfdaşlıq Sazişini genişləndirəcək yeni ticarət sazişi üzrə danışıqlar başa çatıb Aİ Komissiyası Mavrikiydə Birlik ilə Komor adaları, Madaqaskar, Mavrikiy və Seyşel adaları arasında mövcud İqtisadi Tərəfdaşlıq Sazişinin müasir və hərtərəfli azad ticarət sazişinə çevrilməsi üçün aparılan danışıqların başa çatması ilə bağlı mərasim keçirildiyini açıqlayıb Bəyanatda danışıqların başa çatmasının Aİ ilə Şərqi və Cənubi Afrika ölkələri arasındakı münasibətlərdə mühüm dönüş nöqtəsi olduğu və razılaşmanın ticarət əlaqələrini gücləndirəcəyi, tədarük zəncirlərinin dayanıqlığını artıracağı və davamlı inkişafı dəstəkləyəcəyi bildirilib Açıqlamada bunun Aİ ilə Saharaaltı Afrika ölkələri arasında imzalanan ilk hərtərəfli azad ticarət müqaviləsi olacağı və sazişin gələcək Aİ-Afrika iqtisadi əlaqələri üçün mühüm istinad nöqtəsi təşkil edəcəyi bildirilib Açıqlamada, yeni sazişin xidmətlər, investisiyalar, rəqəmsal ticarət və sektoral əməkdaşlıq sahələri ilə yanaşı, mal ticarətini də əhatə etdiyi və Afrika ölkələrində yerli istehsalı və əlavə dəyər fəaliyyətlərini artırmaq, sənaye transformasiyasını dəstəkləmək və iqtisadi müxtəlifliyi inkişaf etdirmək məqsədi daşıdığı qeyd edilib Bəyanatda, müqavilə çərçivəsində xidmət ticarəti və investisiyalar sahəsində şirkətlərə daha güclü hüquqi təminatların veriləcəyi, investorlar üçün daha proqnozlaşdırıla bilən və ayrı-seçkiliyə yol verilməyən bir mühitin yaradılacağı bildirilib Bəyanatda dövlət satınalmaları sahəsində şəffaflığın artırılacağı, şirkətlərin tenderlərə çıxışının asanlaşdırılacağı və iqtisadi modernləşmə proseslərinin dəstəklənəcəyi, əqli mülkiyyət sahəsində innovativ sektorların təşviqi üçün müasir mühafizə sisteminin yaradılacağı bildirilib Açıqlamada Aİ-nin sözügedən dörd ölkənin ən böyük ticarət tərəfdaşı olduğu və tərəflər arasında mal və xidmət ticarətinin 2024-cü ildə 9,7 milyard avroya çatdığı bildirilib Bu arada sazişin qüvvəyə minməsi üçün Aİ Şurasının və Avropa Parlamentinin təsdiqi tələb olunur