Türkmənistanın xarici işlər naziri ilə Azərbaycan Respublikasının mədəniyyət naziri arasında görüş olub

5 iyun 2026-cı il tarixində Türkmənistanda Azərbaycanın Mədəniyyət Günlərində iştirak etmək üçün Türkmənistanda səfərdə olan Türkmənistanın Xarici İşlər Naziri Rəşid Meredov və Azərbaycan Respublikasının Mədəniyyət Naziri Adil Kərimli arasında görüş olmuşdur. Bu barədə Türkmənistan XİN məlumat yayıb Tərəflər mədəni-humanitar əməkdaşlığın aktual məsələlərini müzakirə edib, iki ölkə xalqları arasında ənənəvi qardaşlıq əlaqələrinin möhkəmləndirilməsində mədəniyyətin mühüm rolunu vurğulayıblar. Mədəniyyət müəssisələri, muzeylər, kitabxanalar, bədii kollektivlər və ixtisaslaşdırılmış təhsil təşkilatları arasında əməkdaşlığın daha da genişləndirilməsinə xüsusi diqqət yetirilib Bu kontekstdə iki ölkə xalqlarını daha da yaxınlaşdıran mühüm amil kimi Türkmənistanda Azərbaycan Respublikasının Mədəniyyət Günlərinin keçirilməsinin əhəmiyyəti vurğulanıb. Mədəniyyət proqramına bədii filmlərin nümayişi, Azərbaycanın ədəbi-bədii irsinə həsr olunmuş mühazirələr, eləcə də bir sıra sərgilərin təqdimatları daxildir. Tədbirlərin əsas məqamı Azərbaycanın tanınmış incəsənət ustalarının iştirakı ilə qala-konsert olacaq. Üç gün ərzində Aşqabad və Arkadağda mədəniyyət günləri keçirilir Tərəflər həmçinin həm Türkmənistanın, həm də Azərbaycanın zəngin tarixi və mədəni irsinin təbliğinə yönəlmiş birgə mədəni layihələrin həyata keçirilməsinin, sərgilərin və digər tədbirlərin təşkilinin vacibliyini vurğulayıblar. İki ölkənin yaradıcı ziyalılarının nümayəndələri arasında əlaqələrin intensivləşdirilməsinin vacibliyi də qeyd olunub Həmçinin beynəlxalq təşkilatlar və mədəni platformalar çərçivəsində ikitərəfli əməkdaşlığın daha da inkişaf etdirilməsi, o cümlədən Türkmənistan-Azərbaycan mədəni-humanitar tərəfdaşlığının dərinləşdirilməsinə yönəlmiş yeni qarşılıqlı fəaliyyət formalarının yaradılması ətrafında fikir mübadiləsi aparılıb Danışıqların yekununda tərəflər ikitərəfli münasibətlərin daha da möhkəmləndirilməsində qarşılıqlı maraqlı olduqlarını bir daha təsdiq etdilər və iki dost dövlətin xalqlarının rifahı naminə konstruktiv dialoqun uğurla davam etdiriləcəyinə əminliklərini ifadə etdilər