Ağ Ev: Çin nadir torpaq metalları ilə bağlı məhdudiyyətləri aradan qaldıracaq

Çin nadir torpaq metalları sektorunda tətbiq olunan məhdudiyyət və qadağaların aradan qaldırılması istiqamətində addımlar atacaq AZƏRTAC xəbər verir ki, bu barədə Ağ Evin rəsmi saytında yayımlanan bəyanatda bildirilib Bəyanatda qeyd olunur ki, Çin nadir torpaq metalları sahəsində təchizat zəncirində yaranmış problemlərlə bağlı ABŞ-nin narahatlıqlarının aradan qaldırılması üçün tədbirlər görəcək. Eyni zamanda, nadir torpaq metal məhsullarının, eləcə də onların emalı üçün avadanlıq və texnologiyaların satışına tətbiq edilən qadağa və məhdudiyyətlərlə bağlı ABŞ tərəfinin narahatlıqlarını da nəzərə alacaq Ağ Ev, həmçinin Çinin Amerikanın “Boeing” şirkətindən 200 təyyarə alacağını təsdiqləyib 2026 © AZƏRTAC. Müəllif hüquqları qorunur. Məlumatdan istifadə edərkən hiperlinklə istinad olunmalıdır