Qazaxıstan hərbi gücə görə Global Firepower reytinqində 58-ci yerdədir

2026-cı il üçün Global Firepower məlumatlarına görə, Qazaxıstan 1,0433 PwrIndx hərbi güc indeksi alıb. Göstərici sıfıra nə qədər yaxındırsa, dövlətin hərbi potensialı bir o qədər yüksək qiymətləndirilir ABŞ 0,0741 indekslə dünya reytinqinin lideri olaraq qalır. Sonrakı yerləri Rusiya (0,0791) və Çin (0,0919) tutur. İlk onluğa Hindistan (0,1346), Cənubi Koreya (0,1642), Fransa (0,1798), Yaponiya (0,1876), Türkiyə (0,1975), İtaliya (0,2211) və Braziliya (0,2374) daxil olub Reytinqdə sonuncu pillələri 3,9275 indekslə Liberiya, Surinam (4,0538), Mərkəzi Afrika Respublikası (4,2381), Beliz (4,3602) və Butan (5,7991) tutur Bundan əlavə, reytinq ölkənin müdafiə büdcəsini göstərir - Qazaxıstanda bu, 5,836 milyard dollar təşkil edib Ölkə əhalisinin sayı baxımından Qazaxıstanın hərbi xərcləri adambaşına ildə təxminən 284 dollar təşkil edir. Bu, Orta Asiyada ən yüksək göstəricidir Müqayisə üçün qeyd edək ki, Türkmənistanda hərbi xərclər adambaşına təxminən 209 dollar, Özbəkistanda təxminən 162 dollar, Qırğızıstanda təxminən 88 dollar, Tacikistanda isə adambaşına ildə 42 dollardan bir qədər artıqdır Qeyd edək ki, “Global Firepower” reytinqi tərtib edilərkən ordunun sayı, maliyyə imkanları, logistika, coğrafi yerləşmə, texnikanın mövcudluğu və iqtisadi sabitlik də daxil olmaqla 60-dan çox amil nəzərə alınır Bundan əvvəl Qazaxıstan Silahlı Qüvvələrin hərbi qulluqçularına əmək haqqı, müavinət və digər ödənişlərin ödənilməsi ilə bağlı yeni qaydaları təsdiqləyib