Onun 4,5 milyard dollar sərvəti var idi! Uçurumdan yıxılaraq dünyasını dəyişən Mango-nun qurucusu İsak Andiçin oğlu həbsdədir

Moda sənayesinin ən önəmli adlarından biri olan Mango-nun qurucusunun ölümü ilə bağlı başladılan istintaq yeni miqyas alıb. 43 yaşlı Conatan Andiç atasının ölümü ilə bağlı məhkəmə prosesi çərçivəsində Kataloniya polisi tərəfindən tutularaq saxlanılıb 71 yaşlı milyarder iş adamı İsak Andiç oğlu Conatanla 2024-cü ilin dekabrında Barselona yaxınlığındakı Montserrat dağlarına gəzintiyə çıxıb. İsak Andiç bu gəzinti zamanı qayadan yıxılaraq ölüb Hadisədən sonra mediada cütlüyün orada tək olub-olmaması və ya gəzinti zamanı yanlarında başqa ailə üzvlərinin olub-olmaması ilə bağlı ziddiyyətli iddialar səsləndirilib “La Vanguardia” qəzetinin yazdığına görə, Kataloniya müstəntiqləri 2025-ci ilin əvvəlində apardıqları araşdırmalarda cinayət fəaliyyətinə dair heç bir dəlil tapa bilmədiklərini əsas gətirərək işi bağlayıblar. Lakin səlahiyyətlilər Conatan Andiçin ifadəsində uyğunsuzluqların olduğunu iddia edərək, həmin ilin sonunda işi yenidən açmaq qərarına gəliblər Daha əvvəl atasının ölümünə görə məsuliyyət daşımadığını iddia edən Conatan Andiç çərşənbə axşamı yerli vaxtla saat 11:00-dan az sonra evindən aparılaraq polis bölməsinə aparılıb Bu inkişafdan sonra ailənin sözçüsü Reuters-ə açıqlama verib. Sözçü Conatanın dindirildiyini təsdiqləyib və ailə üzvlərinin onun təqsirsizliyinə tam əmin olduqlarını vurğulayıb 2005-ci ildə Mango-ya qoşulan Conatan Andiç daha sonra şirkətin Mango Man məhsul xəttinin idarəçiliyini öz üzərinə götürdü və atasının faciəvi ölümündən sonra o, direktorlar şurasının sədr müavini təyin edildi Türkiyədə anadan olan İsak Andiç 1984-cü ildə qardaşı Nəhmanın köməyi ilə Barselonada qlobal moda markasını qurub. Bu nəhəng hazır geyimlər şəbəkəsi 120 ölkədə təxminən 3000 filialı ilə fəaliyyətini davam etdirir Forbes-in hesablamalarına görə, məşhur iş adamının öldüyü zaman sərvəti 4,5 milyard dollar (3,6 milyard funt sterlinq) civarında olub İsak Andiçin ölümündən sonra Mango-nun baş direktoru Toni Ruiz açıqlama verərək, bu ölümün "böyük bir boşluq buraxacağını" söylədi. Ruiz çıxışında "Hamımız müəyyən mənada onun irsinin və nailiyyətlərinin şahidiyik" dedi. "İsaka verə biləcəyimiz ən yaxşı hörmət, Manqonun İsakın arzuladığı və qürur duyacağı bir layihə olaraq davam etməsini təmin etməkdir."