ЖМКлар Кубанычбек Капаловдун акыркы катын жарыялашты

Маркум Сот аткаруучулар кызматынын төрагасынын орун басары Кубанычбек Капаловдун акыркы катын айрым ЖМКлар жарыялашты Анда ал аялына ыраазычылыгын айтып, төрт баласынан кечирим сураган “Мени сага жолуктурганына Кудайга миң мертебе ыраазымын. Сен мени бактылуу кылдың, эки уул, эки кыз төрөп бердиң, ысык-суугума чыдадың. Ар дайым жанымда болдуң, жаным! Сен бекем аялсың, балдарга татыктуу тарбия берип келе жатасың, ошонуңдан жазба. Өзүңө бекем бол. Мени кечир!” - деп жазылган катта. Ага улай катта балдарынын атын атап, алардан да кечирим сураган. Ошондой эле уулуна кайрылып, бир туугандары ага аманат экенин белгилеген. Мындан тышкары ал өзүнүн бир туугандарын ынтымактуу болууга чакырган Эскерте кетсек, Капалов тууралуу Бишкек шаардык милициясы маалымат берип, каргашалуу окуя кечээ, 13-мартта катталганын билдирди