Түркістандағы қыз-келіншектер киіз басуды үйреніп жүр

Жүннен жәдігер, киізден кәде сый. Түркістан төрінде ұлтымыздың ежелгі өнері заманауи трендке айналды. Қырғыз елінен арнайы келген шебер Нүрия Исақова бүгінде жергілікті қыз-келіншектерге табиғи өнімнен түрлі бұйым жасап, оны кәсіпке айналдыру үшін қолқабыс етіп жүр. Ісмерлердің шеберлігі жайлы әріптесім Айнұр Әбілқасымқызы тарқатады Нүрия Исақовадан ұлттық қол өнерді үйренем деген қыз-келіншек көп. Өйткені олар таза өнімнен тұрмыстық бұйымдар мен балаларға арналған экологиялық таза ойыншық жасауды үйренуге ынтық Кәсіби қолөнершінің арғы тегі киіз басудың хас шеберлері. Тұтас түркі жұртына тиесілі дәстүрді дәріптеп жүрген ол бұл қызметі үшін ақы алмайды. Мақсатым – өнерді насихаттау, - дейді шебер Нүрия Исақова, шебер: Шебер тек ісмерлікпен ғана шектеліп жүрген жоқ. Әлеуметтік желі арқылы онлайн сабақтар өткізіп, қолөнердің баршаға қолжетімді екенін көрсетіп жүр. Бұл – ұлттық кодты сақтаудың өзіндік жолы екенін айтады. Сондай-ақ ұрпақтар сабақтастықтың алтын көпірі дейді Роза Асылбаева, Түркістан тұрғыны: Ғасырлар қойнауынан жеткен киіз басу өнері Түркістанда жаңаша түлеп, аналардың кәсібіне, балалардың көз қуанышына айналды. Айта кетейік, Түркістандағы оқушылар сарайы қолға алған «Ісмер ана» жобасы аясында 85 ана түрлі қолөнер сабақтарына қатысып, кәсіп меңгеруде